شؤون الطلاب 48منح دراسية 48

تحديث فيها يتعلق بمنحة وزارة التربية والتعليم

منحة وزارة المعارف 2017

 

في هذه الايام بدأت تُرسل اجابات في البريد الالكتروني للطلاب المتقدمين للمنحة.
المنح تقسم لثلاثة مستويات: 4000₪, 6000₪, 12000₪.

على المستحقين الدخول للمنظومة https://loans.education.gov.il/

ورفع تصريح ادارة حساب بنك \ شك، بالاضافة لتصريح تعليم محتلن، وسيتم صرف المنحة خلال شهر من هذه العملية.هنالك امكانية استئناف للمتقدمين اللذين لم يحصلوا على المنحة.

للمتقدمين اللذين لم يحصلوا على جواب بعد:
1. لا داعي للقلق، من الممكن ان تصلكم الاجابة قريبا، وفقا لوضع الطلب (بامكانكم فحص تقدم فحص الطلب في الرابط اعلاه)
2. بامكانكم الاستفسار والاتصال على 1700-505885 او 08-6776032. او 03-9298804. او من خلال البريد الالكتروني loans@education.gov.il

تُرجم بتصرف
من صفحة ועד הסטודנטים בשירות המדינה

مقالات ذات صلة

3 آراء على “تحديث فيها يتعلق بمنحة وزارة التربية والتعليم”

  1. اول اشي مبروك يا جماعة لكل الي طلعتلوا منحة مسراد هحينوخ وكان جد بحاجتها، بس حابة احكي شغلة كان لازم تنقال من زمان، الصراحة انا شخصيا بعرف كثير ناس الي ظروفهن الاقتصادية من احسن ما يكون، وضعهن المادي عالآخر منيح بس بروحوا بوخذوا منح عشان (وهاي اشيا سمعتها بشكل شخصي) ” اشتري أواعي” .. “عم بستنى بالمصاري عشان أطلع رحلة” هاي الناس ولا مرة وقفت وفكرت اتكون إنسان/ة وتفكر بالناس الي حواليها، الي عنجد بحاجة لهاي المنحة عشان تكمل تعليم، ولولاها بتصير حياتهن ولقبهن الجامعي متعب كثير ومرهق لالهن..
    مش كل الناس اهلها ال ٢ بشتغلوا ولا معاشهن فوق ال ١٠٠٠٠ كأقل تقدير لمنيح! مش كل الناس أهلها عايشين، وفي ناس أهلها عايشة ومش سائلة عنهن، في ناس مريضة وبتغدرش تشتغل أصلا وفي كثير ظروف ثانية بعلمش فيها الا صحابها
    كل واحد فيكو أخذ منحة عشان يدلل حالو فيها هو حرم عقبالو بنئادم عنجد بحاجة لهاي المنحة وكانت أمله الوحيد عشان يكمل اللقب براحة بال!
    البوست منكتبش عشان تسميع الحكي ولا لانو بحبش الخير لحدا بس انكتب عشان هاي الحقيقة بعرف ناس من النوع الأول وبعرف ناس من النوع الثاني، عنجد خلينا انوقف مرة ونختار انكون بنئادمين ونحس بالطلاب الي حوالينا، الي بغدروش يقعدوا عالديشة زيكو ٢٤ ساعة مهديين بالهن ومتطمنين، كل منحة راحت لشخص مش بحاجة وبستعملش المصاري للضروريات إنما للكماليات هي قللت منحة شخص بحاجة جد أو حرمتو منها كأبعد تقدير!

إغلاق