طالب سنة اولى

قربت الجامعة .. اليك بعض المعلومات والنصائح المهمه

قربت الجامعة؟ هل هي متل المدرسة ؟ اليك بعض المعلومات والنصائح الي ممكن تفيدك :

1. في المحاضرات بشكل عام بكون عدد كبير من الطلاب ، ممكن يكون 60 وممكن يكون100 شخص في المحاضرة في قاعة وحدة.

2.انت مش بمدرسة ترفع ايدك وتقول “بنفع اطلع علحمام” تفضحناش قدام ولاد عمنا ، اطلع من المحاضرة محداش بسألك ، بس اذا بتعرف حالك بتطلع كثير على الحمام مفضل ما تقعد بالمنتصف … شو يعني ؟

3.يعني قاعات الجامعة مش زي صف مدرسة ، مكونة كراسي حد بعض يعني اذا كنت بالنصف عشان تطلع من القاعة لازم اكم شخص يقوموا برضو… فأعمل حسابك.

4. بجامعة ما في تمييز ، بما معناة مش انت ابن معلم ، او ستك خالة البواب ، انت بجامعة مجرد رقم هوية ، والامتحانات اغلبها بتتصلح على حاسوب او بدون اسم .

5.من اهم الاشياء ، يكون معك يو اس بي ، ديسك اون كي ، ذاكرة ، اي اسم بلائمك المهم يكون معك لحفظ المواد المهمة ودائما يكون معك نسخة احتياط ،ببريد الالكتروني , حساب dropbox او حساب GoogleDrive .

6. بجامعة في كورسات معينة נוכחות לא חובה مش اجباري تكون ، اذا عندك ظرف او ما غدرت تصل محداش بحاسبك ، بس اذا قررت ما تيجي كل فصل وتتعرف على المحاضر بالامتحان ، هاض قرارك

7.مفروض قبل التعليم تحصل على بطاقة باص רב-קוו ، رح ينزل موضوع كامل بكل ما يتعلق بالبطاقة ان شاء الله .

الوسوم

مقالات ذات صلة

إغلاق